ជនសង្ស័យម្នាក់ ចែកចាយនិងប្រើប្រាស់ដោយខុសច្បាប់នូវសារធាតុញៀន ត្រូវនគរបាលស្រុកអន្លង់វែង ឃាត់ខ្លួន
22-January-2019 | ដោយ ពលមនសិការ
ឧត្តរមានជ័យ៖ កម្លាំងអធិការដ្ឋាននគរបាលស្រុកអន្លង់វែង ស្រាវជ្រាវនិងបង្ក្រាបករណីចែកចាយ និងប្រើប្រាស់ដោយខុសច្បាប់នូវសារធាតុញៀន១ករណី កាលពីវេលាម៉ោង១៦និង៣០នាទីល្ងាចថ្ងៃទី២១ ខែមករា ឆ្នាំ២០១៩ នៅចំណុចភូមិស្លែងព៌ណ ឃុំត្រពាំងតាវ ស្រុកអន្លង់វែង.
មន្ត្រីនគរបាលស្រុកអន្លង់វែងបានឱ្យដឹងថាក្នុងប្រតិបត្តិការខាងលើកម្លាំងសមត្ថកិច្ចបានឃាត់ខ្លួនជនសង្ស័យម្នាក់ឈ្មោះ ធី ប៊ី ភេទប្រុស អាយុ២១ ឆ្នាំ រស់នៅភូមិទំនប់ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ។
វត្ថុតាងដកហូតរួមមានៈម៉ាទឹកកក (ICE ) ចំនួន០២ កញ្ចប់តូច, ម៉ូតូចំនួន ០១គ្រឿង, ទូរស័ព្ទដៃចំនួន ០២ គ្រឿង។
បច្ចុប្បន្នកម្លាំងជំនាញស្រុក កំពុងសាកសួរ និងកសាងសុំណុំរឿងបញ្ជូនទៅកាន់ស្នងការដ្ឋាននគរបាលខេត្ត ចាត់ការបន្តតាមនិតិវិធីច្បាប់៕
ចំនួនអ្នកទស្សនា
- ថ្ងៃនេះ5781
- ម្សិលមិញ11441
- សប្តាហ៍នេះ35611
- ខែនេះ150761
- ឆ្នាំនេះ150761
- សរុប20593217